Монголын уул уурхайн зураг төсөл зохиогчдын холбооны Удирдах зөвлөлийн хурал өнөөдөр 2023.07.25-ны өдөр Шүрэн оффист боллоо. Хуралд МУУЗТЗХ-ны Тэргүүн Х.Жаргалсайхан, Гүйцэтгэх захирал Б.Бат-Очир, УЗ-ийн гишүүн Д.Долгор, Б.Баяраа, Ц.Ууганбаяр, Л.Пүрэв, П.Очирваань, Б.Аварзэд, М.Бямбадорж нар оролцов.  

  Хурлын хэлэлцэх асуудлаар Гүйцэтгэх захирал Б.Бат-Очир дэлгэрэнгүй мэдээлэл хийв. Үүнд холбооны дотоод зохион байгуулалтын асуудлаар ажлын хэсэг гаргах тухай болон ТЭЗҮ боловсруулах журмын талаар  ХЗДХЯ-д хандах тухай, мөн УУХҮЯ болон Эрдэс баялгийн мэргэжлийн зөвлөлийн удирдлагатай уулзалт хийх тухай болон мөн зураг төслийн тусгай зөвшөөрөл олгож буй МҮБА-ийн холбогдох хүмүүстэй уулзалт хийх, БХБЯ-тай хамтран ажиллах талаар санал тавих болон жишиг үнийн хэрэгжилтийн тухай, мөн шинжээчдийн талаар зэрэг асуудлуудаар нэлээд өргөн хүрээнд хуралд оролцогчид санал солилцов. УЗ-ийн гишүүд гаргах шийдвэрийн талаар саналаа нэгтгэж асуудал бүрээр зохих шийдвэр гаргахаар боллоо