Монголын уул уурхайн зураг төсөл зохиогчдын холбоо /МУУЗТЗХ/ 2010 онд байгуулагдсан. Энэ холбоог уул уурхайн зөвлөх инженерүүд үүсгэн байгуулсан бөгөөд манай улсын уул уурхайн салбарт боловсруулагдаж буй зураг төслийг чанарын шинэ түвшинд гаргах, зураг төслийн байгууллагуудыг чадавхжуулах үйл ажиллагааг эрхлэх уул уурхайн салбарт болон гишүүддээ үйлчлэх мэргэжлийн төрийн бус байгууллага.
Монголын “Уул уурхайн зураг төсөл”-ийг чанарын шинэ түвшинд гаргах, түүний эрх зүйн орчныг сайжруулах, зураг төслийн арга зүй, норм нормативыг боловсронгуй болгох.
Уул уурхайн зураг төслийн онол арга зүйг сайжруулахад дэвшилтэт техник, технологи, үнэн зөв шийдлийг эрхэмлэх ба зураг төслийн бүхий л оролцогч байгууллагуудыг чадавхжуулахад анхааран ажиллах ба тавигдах шаардлагыг боловсронгуй болгож шинэчлэх чиглэлээр мэргэжлийн байгууллагууд болон яам, бусад байгууллагуудтай идэвхтэй хамтран ажиллах.
Х.Жаргалсайхан нь 1980 онд МУИС-ийг Уул уурхайн ашиглалтын технологич мэргэжлээр төгссөн. Уул уурхайн инженер мэргэжилтэй, техникийн ухааны доктор(Ph.D), дэд профессор цолтой, Евразийн академийн жинхэнэ гишүүн, ШУА-ийн Техник, технологийн бага чуулганы гишүүн.
Б.Бат-Очир нь МУИС-ын дэргэдэх ПТДС-ийн Уул уурхайн инженерийн ангийг 1980 онд төгссөн. Уул уурхайн ашиглалтын инженер мэргэжилтэй, техникийн ухааны доктор, Дэлхийн уул уурхайн конгрессын гишүүн, Евразийн уул уурхайн академийн гишүүн, ШУТИС-ын хүндэт профессор бөгөөд уг сургуулийн Уул уурхайн эрдмийн зэрэг олгох зөвлөлийн гишүүн.
Л.Пүрэв нь ПДС-ийн Уул уурхайн инженерийн ангийг 1980 онд, МЛИС-ыг улс төр судлаачаар 1982 онд, Польш улсын Яглонскийн Их сургуулийг үйлдвэрийн менежер мэргэжлээр 1992 онд тус тус төгссөн. Уул уурхайн ашиглалтын технологич инженер мэргэжилтэй, техникийн ухааны доктор, профессор цолтой.
Д.Дамба 1980 онд МУИС-ийн ПДС-ийг уул уурхайн ашиглалтын технологич мэргэжлээр төгссөн. 1991 онд Д.Сүхбаатарын нэрэмжит Улс төрийн дээд сургуулийг Улс төр судлаач мэргэжлээр сурч төгссөн.
Ц.Уугангэрэл нь 2009 онд ШУТИС-ийн УУИС-д “Уул уурхайн ашиглалтын технологи инженер” мэргэжлээр бакалавр, 2014 онд ШУТИС-ийн УУИС-д “Уул уурхайн ашиглалтын технологи инженер” мэргэжлээр магистрийн зэргийг хамгаалсан. Уул уурхайн зөвлөх инженер. Уул уурхайн зураг төслийн “Ляпислазурь Эрдэнэ” ХХК-ийн гүйцэтгэх захирал, Уул уурхайн үйлдвэрлэлийн технологичдын холбооны гишүүн, МУУЗТЗХ-ны Удирдах зөвлөлийн гишүүнээр тус тус ажиллаж байна.
Б.Баяраа нь ШУТИС-ийн ГУУС-ийг Уул уурхайн маркшейдер инженер мэргэжлээр 1997 онд төгссөн. Ил, далд уурхай, баяжуулах үйлдвэрийн зураг төслийн 80 гаруй ТЭЗҮ-ийг удирдан боловсруулсан уул уурхайн зураг төслийн туршлагатай залуу инженерүүдийн нэг юм. “Эрдэнэс инженеринг” ХХК-ны захирал, МУУЗТЗХ-ны Удирдах зөвлөлийн гишүүнээр тус тус ажиллаж байна.
Д.Долгор нь 2007 онд ШУТИС-д “Ашиглалтын баяжуулалтын технологи” бакалавар зэрэг, 2008 онд ШУТИС-д “Ашиглалтын баяжуулалтын технологи” магистр зэрэг, 2017 онд Австрали улсын Баруун Австралийн Уул уурхайн их сургуульд магистр зэргийг хамгаалсан. Үйлдвэрлэлийн тэргүүний ажилтан. “Соёолон инженеринг” ХХК-ийн гүйцэтгэх захирал, Монголын ашигт малтмал баяжуулагчдын холбооны гишүүн, Австаралазийн уул, уурхай, металлургийн холбооны гишүүн, Австралийн нүүрс баяжуулалтын холбооны гишүүн, МУУЗТЗХ-ны Удирдах зөвлөлийн гишүүний ажлуудыг хийж байна.
Э.Түмэн-Од нь ШУТИС-ийн УУИС-ийн “Уул уурхайн ашиглалтын технологи” мэргэжлээр төгссөн. Уул уурхайн зураг төслийн “Гоулдмэн Прожект” ХХК-ийн гүйцэтгэх захирал болон МУУЗТЗХ-ны гүйцэтгэх захирлаар сонгогдон ажиллаж буй туршлагатай инженерүүдийн нэг юм.
Э.Амарсанаа нь ШУТИС-ийн ГУУС-ийг маркшейдер инженер мэргэжлээр 2007 онд төгссөн ба мөн тус сургуульдаа техникийн ухааны магистрын зэргийг 2009 онд хамгаалсан. Засгийн газрын хэрэгжүүлэгч агентлаг Удирдахуйн ухааны сургуульд бизнесийн удирдлагын магистрыг зэргийг 2013 онд хамгаалсан. “Поларис инженеринг консалтинг” ХХК-ийн гүйцэтгэх захирал, МУУЗТЗХ-ны Удирдах зөвлөлийн гишүүнээр тус тус ажиллаж байна.
Аварзэд нь 2001 онд БК-ыг Хүнд машин механизмын ашиглалтын инженер мэргэжлээр төгссөн бөгөөд 2011 онд ШУТИС-ийн ГУУС-д Уул уурхайн ашиглалтын технологиор магистрын зэрэг хамгаалсан. Зөвлөх инженер Б.Аварзэд нь МУУЗТЗХ-ны Удирдах зөвлөлийн гишүүнээр 2016 оноос, МУУЗТЗХ-ны тэргүүнээр 2024 оноос хойш тус тус сонгогдон ажиллаж байна.
Ч.Хишигбаатар нь 2010 онд ШУТИС-ийн Уул уурхайн инженерийн сургуулийг “Уулын уурхайн ашиглалтын технологи инженер”-ээр төгссөн. Уул уурхайн мэргэшсэн инженер зэрэгтэй. “Эм Эм Маркет” ХХК-ийн ерөнхий захирал, МУУЗТЗХ-ны Удирдах зөвлөлийн гишүүнээр тус тус ажиллаж байна.
П.Очирваань нь 2009 онд ШУТИС-ийн УУИС-д “Уул уурхайн ашиглалтын технологи инженер” мэргэжлээр бакалавр, 2018 онд ШУТИС-ийн УУИС-д “Уул уурхайн ашиглалтын технологи инженер” мэргэжлээр магистрын зэргийг хамгаалсан. Уул уурхайн зөвлөх инженер, уул уурхайн зураг төслийн “Жеммери” ХХК-ий захирал, МУУЗТЗХ-ы удирдах зөвлөлийн гишүүнээр тус тус ажиллаж байна.
Монголын Уул уурхайн зураг төсөл зохиогчдын холбоо /МУУЗТЗХ/ 2010 онд байгуулагдсан. Энэ холбоонд уул уурхайн зөвлөх инженерүүд болон зураг төслийн компаниуд гишүүнээр элсэн хамтран ажиллах болсон.
МУУЗТЗХ нь байгуулагдсан цагаасаа хойш Уул уурхайн салбарын Төрийн захиргааны төв байгууллагын дэргэдэх Эрдэс баялгийн мэргэжлийн зөвлөл болон Тэсэлгээний мэргэжлийн зөвлөлд төлөөллөө оруулан ажиллаж ирлээ.
Энэ байгууллагын Гүйцэтгэх захирлаар доктор Б.Бат-Очир ажилладаг бөгөөд тэрээр 1980-1995 онуудад тэр үеийн Геологи, уул уурхайн үйлдвэрлэл шинжилгээний институт болон Монголросцветмет нэгдэлд эрдэм шинжилгээ, зураг төслийн чиглэлээр ажиллаж байсан дадлага туршлагатай мэргэшсэн Зөвлөх инженерүүдийн нэг юм.
Холбоо нь зураг төсөл эрхлэгч, сонирхогч байгууллагуудын дунд “Уул уурхайн зураг төслийн чанарыг шинэ түвшинд гаргая /2013/”, “Уул уурхайн зураг төсөл 2014” сургалт семинаруудыг УУЯ, АМГТГ-тай хамтран зохион байгуулж ТЭЗҮ-ийн арга зүйн асуудлаар сургалт явуулж зураг төслийн чиглэлээр ажилладаг өөрийн холбооны гишүүн болон гишүүн бус 40 гаруй байгууллагуудтай холбоо тогтоож хамтран ажиллаж байсан.
Холбоо нь 2015 онд Эрдэс баялгийн салбарын бодлого боловсруулах МУ-ын Ерөнхийлөгчийн захирамж, УУ-н Сайдын болон АМГ-ын даргын тушаалуудаар томилогдсон ажлын хэсгүүдийн бүрэлдэхүүнд оролцон ажиллаж энэ баримт бичгийг боловсруулахад идэвхтэй ажиллав.
Холбооноос зураг төслийн байгууллагуудын дунд уулзалт семинарыг 2016-2017 онд уламжлал болгон зохион байгуулж ирсэн ба мөн 2018 онд уул уурхайн үйлдвэрлэлтэй танилцах аяллыг Буурлын давааны өмнөх Баруун баруун уртын алтны шороон ордууд дээр орших Хүдэр-Эрдэнэ, Хар занар зэрэг 5 компаниудын уурхайнууд дээр зочилсон ба энэ ажилд зураг төслийг 15 компанийн төлөөлөл оролцсон болно.
Оны шилдэг зураг төсөл зохиогч байгууллагуудыг УУЯ, АМГ-тай хамтран шалгаруулах ажилд 2012 оноос идэвхтэй оролцон ажилласан ба 2013 оноос МУУЗТХ-ны шилжин явах “Оны шилдэг зураг төсөл зохиогч” цомыг бий болгон гардуулж байгаа бөгөөд 2021 онд зураг төслийн “ММ маркет” ХХК оны шилдэг зураг төсөл зохиогчоор шалгарсан бөгөөд 2021 оны Шилдэг зураг төслийн инженерээр “Голдмэн прожект” ХХК-ийн инженер Т.Галт шалгаран өргөмжлөл мөнгөн шагналаар урамшуулагдсан болно.
МУУЗТЗХ нь сүүлийн жилүүдэд Уул уурхайн салбарын хэмжээнд өөрийн үйл ажиллагааныхаа чиглэлээр зарим шинэлэг ажлуудыг санаачлан идэвхтэй ажиллаж дараах ажлуудыг хийгээд байна. Үүнд:
